ՄԱԴՐԱՍԻ ՕՐԵՐ - 2015

        <<Մադրասի օրեր>> -ի  շրջանակներում  քաղաքի մշակութային և ուսումնական հաստատություններում տեղի են ունենում բազմաթիվ միջոցառումներ՝ որոնցում իր մասնակցությունն  ունի Մադրասի հայկական համայնքը:

Մադրասի համալսարանում

         Ծրագրերում իր ակտիվ մասնակցությամբ հանդես է գալիս Ֆրանսիայի <<Հայագիտություն>> ասոցացիան՝  ի դեմս Սաթենիկ Պատվական Թուֆանյանի` ով պատմական գիտությունների դոկտոր է և Ֆրանսիայի համալսարաններից մեկում փիլիսոփայություն  է դասախոսում:

Կապիլան Ջեսուդիան, Աշխեն Խաչատրյան, Սաթենիկ Պատվական Թուֆանյան և Թոմաս Սիբուլեի

        Հայկական մասի միջոցառումների մեկնարկը տրվել է հայկական եկեղեցում բացված երկու տարբեր լուսանկարների ցուցահանդեսներով:

      Առաջին ցուցահանդեսը բացվել է օգոստոսի 16-ին: Այն կշարունակվի մինչև օգոստոսի 25-ը: Ցուցահանդեսի թեման հետևյալն է՝ <<Հայերը Մադրասում>> (17-18-րդ դարեր) : 

        Այս ցուցահանդեսում Սաթենիկ Պատվական Թուֆանյանը ներկայացնում է Մադրասի հայկական համայնքի կյանքը 17-18-րդ դարերում, ինչպես նաև հայտնի հայերի և նրանց ծավալած գործունեության մասին: 

 Երկրորդ ցուցահանդեսը բացվել է օգոստոսի 19-ին և բաց է լինելու մինչև օգոստոսի 25-ը:

      Ցուցահանդեսի թեման հետևյալն է՝ << Հին հայկական եկեղեցական վարագույները՝ պատրաստված Մադրասում>> /18-19-րդ դդ./:

   Ցուցահանդեսում ներկայացված  նկարները տիկին Թուֆանյանը ձեռք է բերել  Էջմիածնի Մայր Տաճարի թանգարանից:

     Մադրասի տարբեր ուսումնական հաստատություններում զեկույցներ են կարդացվել Թոմաս Սիբուլեի և Մեդրիկ Մինասյանի կողմից:

         Օգոստոսի 20-ին Մադրասի համալսարանի Քրիստոնեության ամբիոնում Թոմաս       Սիբուլեյը կարդաց դասախոսություն հետևյալ թեմայով՝ <<Սուրբ Թոմասի քրիստոնյանները և հայերը; արևելյան քրիստոնյաները հարավային Հնդկաստանում>>:           Այն տևեց մոտ երկու ժամ, որն անցավ բուռն քննարկումներով և բոլորը տպավորված էին:

      Թոմաս Սիբուլեը ավարտել է Ֆրանսիայի քաղաքական գիտությունների ինստիտուտի կապի և միջազգային հարաբերությունների բաժինը: Աշխատել է Մալազիայում՝ ՄԱԿ-ի փախստականների հանձնաժողովում: Թոմասի մայրը հայ է:

Սաթենիկ Պատվական Թուֆանյան

Թոմաս Սիբուլեի

 

       Օգոստոսի 21-ին Մադրասի Ստելա Մարիս քոլեջում Մեդրիկ Մինասյանը կարդաց դասախոսություն հետևյալ թեմայով՝ <<Հայերը , հին հայկական համայնքը Մադրասում>>: Դասախոսությունը շատ հետաքրքրիր էր, այն  ներկաներին տվեց բավականին ինֆորմացիա այդ ժամանակաշրջանի հայերի ու հայկական համայնքի գործունեության մասին:

     Մեդրիկ Մինասյանը իրանահայ  երիտասարդ է, ով սովորել է Կալկաթայի Հայոց մարդասիրական ճեմարանում և <>-ում: Այժմ  մագիստրատուրան սովորում է Մադրասի քրիստոնեական քոլեջում՝ քաղաքական գիտությունների ֆակուլտետում: Նա մասնագիտանում է տնտեսական քաղաքականություն, միջազգային հարաբերություններ և կառավարում բաժնում:

Մադրասի համալսարանը