ՄԱԴՐԱՍԻ ՍՈՂՈՒՆՆԵՐԻ ԿԵՆԴԱՆԱԲԱՆԱԿԱՆ ԱՅԳԻՆ ԿԱՄ ԿՈԿՈՐԴԻԼՈՍՆԵՐԻ ԱՅԳԻՆ

               Մադրասի կոկորդիլոսների այգին կամ սողունների կենդանաբանական այգին գտնվում է Չեննայի /Մադրաս/ քաղաքից 40կմ դեպի հարավ հեռավորության վրա:

              Սա ոչ միայն այգի է, այլև գիտահետազոտական կայան է, որտեղ բացի կոկորդիլոսներից կան նաև օձեր և կրիաներ:

             Այն հիմնադրվել է 1976 թվականին և  համարվում է աշխարհում խոշորագույն սողունների կենդանաբանական այգիներից մեկն, ինչպես նաև հնագույն ոչ կառավարական բնապահպանական կազմակերպությունն է Ասիայում:

               Հիմնականում այն հիմնադրվել է հնդկական երեք վերացող կոկորդիլոսների տեսակները պահպանելու համար: Դրանք են՝ ճահճի կոկորդիլոս / Crocodylus palustris/, աղի ջրերի կոկորդիլոս /Crocodylus porosus/ և գհարիալ կոկորդիլոսն /Gavialis gangeticus/, որի տեսակն ամենից շատ էր վտանգված:

               Այն Հնդկաստանի ամենամեծ կոկորդիլոսների այգին է  և զբաղեցնում է 3,4 Հա տարածք: Այստեղ են այցելում ամեն տարի բազմաթիվ այցելուներ, ինչպես նաև մեծ է թիվը օտարերկրացի այցելուների:

                    Այստեղ բացի տեղական կոկորդիլոսի տեսակներից կարող եք տեսնել նաև ամերիկյան, ավստրալիական և այլ վայրերից բերված կոկորդիլոսներ, օձեր և կրիաներ:

                    Այգին բաց է ամեն օր, բացի երկուշաբթիից: Աշխատանքային ժամերն են ժ՜8:30-17:30:
Մեծահասակների համար տոմսն արժե 270 դրամ՝ հայկական դրամով, իսկ երեխաների համար 73 դրամ: Եթե ձեզ հետ վերցնում եք տեսախցիկ կամ լուսանկարչական ապարատ, ապա դրա համար վճարում եք առանձին՝ 146 դրամ:

             Վերջերս էինք այցելել այս պարկ և ահա ձեզ եմ ներկայացնում այդ նկարները:

Կոկորդիլոսի ձվեր են

Այգու մասին մանրամասն կարող եք ծանոթանալ իրենց կայքէջից՝

http://www.madrascrocodilebank.org/cms/

ՄԱՐՄԱԼՈՆԳԻ ԿԱՄՈՒՐՋԸ ՄԱԴՐԱՍՈՒՄ

 

             Խոջա Պետրոս Ոսկանը հայ վաճառականների մեջ ամենահարուստն էր: Նա որդին էր Խոջա Ոսկանի և Խոջա Պողոսի թոռը՝ Ջուլֆայից:  Նա իր ժամանակի ամենանշանավոր հայն  էր Մադրասում և ասվում է, որ նա մի անգամ եղել է Մադրասի Խորհրդի անդամ:

Մարմալոնգի կամուրջը

                 1724 թվականին  Խոջա Պետրոս Ոսկան գալիս է Մադրաս և արդեն 1725-26  թվականներին  իր սեփական միջոցներով կառուցում է Մադրասի առաջին բազմակամար կամուրջը: Կամուրջը անվանել են  Մարմալոնգ,  քանի որ Ադիար գետի տարածքում եղել է փոքրիկ գյուղ՝ Մամբալամ անունով:

Հուշաքարը՝ եռալեզու

Add caption

            Կամուրջի սկզբնամասում տեղադրվել է  հուշաքար՝ երեք լեզուներով՝ հայերեն, լատիներեն և պարսկերեն:

         Կամուրջը գործել է մինչև 1966 թվականը, այն քանդվել  և մեկ այլ նոր կամուրջ է կառուցվել:

          Հուշաքարը մինչ այսօր կանգուն է, սակայն ունի պաշտպանության կարիք:
Հուշաքարի ետնամասում ընթանում է մետրոյի շինարարական աշխատանքներ: Շինարարության ու անուշադրության արդյունքում հուշաքարի կեսը  ծածկվել է շինարարական թափոններով և  արդյունքում հայերենով գրվածքը ընդհանրապես տեսանելի է:
         Եվս այսպես մի քանի տարի ու հուշաքարից ոչինչ չի մնա:

       Հուշաքարի շուրջը պաշտպանիչ պատ պետք է տեղադրել  մինչև շինարարության ավարտը, այլապես ևս մի պատմական հետք կանհետանա փոշու մեջ:

ԱՄԱՆՈՐ

   

          Ինչպես գիտեք Հնդկաստանը մի հսկայական երկիր է, որտեղ կարող ենք տեսնել տարվա բոլոր եղանակները, բայց դրա համար պետք է ճանապարհորդել երկրի տարբեր մարզերով, որոնք կարծես տարբեր երկրներ լինեն մեկ երկրի իշխանության ներքո: Եվ այսպես, երկրի հյուսիսային մասում՝ հատկապես Կաշմիրի շրջանում, Հիմալայներում ձյուն է, իսկական ձմեռ, իսկ հարավում՝ կոնկրետ Մադրասում, որտեղ մենք ենք ապրում միշտ ամառ է: Ձմռանը եղանակը համեմատաբար մեղմանում է՝  ցերեկները +30,+32, գիշերները՝ +20, +25: Փետրվարի 15-ից հետո սկսում է կամաց տաքանալ (+33 և ավելին), որն նշանակում է ձմեռն ավարտվել է:

Իմ ձեռքի աշխատանքներից

            Եղանակային պայմաններից ելնելով  այստեղ չկա ձմեռ և չենք զգում Ամանորի շունչը, ձմեռվա սառ ու մաքուր օդը, բայց այդ ամենը մեզ չի խանգարում ինչպես կարգն է պատրաստվել Ամանորին և Սուրբ Ծննդյան տոներին: Զարդարում ենք տոնի խորհրդանիշը՝ տոնածառը, տունն ու բակը, և ինչպես Հայաստանում, այնպես էլ այստեղ կատարում ենք գնումներ:

        Այս տարի բավականին հետաքրիր անցավ ինձ համար:  Նախ դեկտեմբերի 26-ին Ռուսական գիտությունների ու մշակույթի կենտրոնում, Չեննայիում կազմակերպել էինք մեծ միջոցառում: Քանի որ այնտեղ աշխատում եմ նաև ակտիվ մասնակցություն եմ ունեցել կազմակերպչական մասին և վերևում տեղադրված նկարում երևացող այդ տեսարանն իմ դիզայներական աշխատանքն է՝ ուսանողներից մեկի հետ միասին: 

Կազմակերպիչներ և մասնակիցներ

Բավականին ուրախ ու ամանորյա տրամադրություն էր տիրում դահլիճում, իսկ ինձ համար ողջ օրը տոնական էր: Ամեն ինչ շատ հարազատ էր, կարելի է ասել չէի զգում, որ դրսում +30 աստիճան է, իսկական Ամանորյա տրամադրությունն էր:

Ամանորը դիմավորեցինք մեր տանը՝ ընկերներիցս մեկի ընտանիքի հետ միասին:

 Շատ ուրախ անցավ և ահա մի քանի նկար ...

Ամանորյա սեղանի շուրջ