ՀՆԴԿԱՍՏԱՆԻ ՀԱՆՐԱՊԵՏՈՒԹՅԱՆ ՕՐԸ

   Ինչպես Հնդկաստանում, այնպես էլ Հնդկաստանի Հանրապետության դեսպանությունները տարբեր երկրներում հունվարի 26-ին նշում են Հնդկաստանի Հանրապետության օրը: Այս տարի տոնում էինք Հնդկաստանի հանրապետության 67-րդ  տարին:

       Այս տոնը նշանավորվում է Հնդկաստանի Սահմանադրության ընդունմամբ՝ որով երկիրը բրիտանական իշխանությունից անցնում է հանրապետության: 1950  թվականի հունվարի 26-ին ընդունվում է Սահմանադրությունն և նույն օրը Հնդկաստանը հռչակվում է հանրապետություն:

Մանրամասն կարող  եք կարդալ անցյալ տարվա հոդվածը՝ սեղմելով հղումը.

http://ash-ka.blogspot.in/2015/01/blog-post_26.html

Հնդկաստանի Հանրապետության օրվան նվիրված շքերթին մասնակցելու նպատակով Հնդկաստան էր ժամանել Ֆրանսիայի նախագահ Ֆրանսուա Օլանդը:

         Ֆոտոշարքով ներկայացնում եմ Հայաստանում Հնդկաստանի Հանրապետության օրվան նվիրված միջոցառման նկարներն, որոնք վերցրել եմ Հայաստանում Հնդկաստանի դեսպանատան ֆեսբուքյան էջից:

ՀՀ-ում Հնդկաստանի Հանրապետության դեսպան Պրն. Սուրեշ Բաբու

  

 

 

ՍՈՒՐԲ ԾՆՈՒՆԴԸ ՉԵՆՆԱԻՈՒՄ, ԴԵԼԼԻՈՒՄ

Չեննաիի, Բանգալորի և Պոնդիչերիի հայերով

           
             Այս տարի ևս Ամանորն ու Սուրբ Ծնունդը դիմավորեցինք Չեննաիում:  Ամանորյա պատրաստություններին կանդրադառնամ առանձին նյութով:

Սուրբ Ծննդյան ճաշ, 2016

                                 

             Ինչպես բոլոր հայերը, այնպես էլ մենք՝ Չեննաիում ապրող հայերս,  առավոտյան գնացինք մեր հայկական եկեղեցի: Այնտեղ աղոթեցինք, մոմ վառեցին, հնչեցրինք զանգերն եկեղեցու և  բոլորով եկանք մեր տուն՝ ավանդույթի համաձայն հայկական Սուրբ ծննդյան ճաշի:

           Դելիի մեր հայրենակիցներն ևս նշել են Սուրբ Ծնունդը: Նրանք նույնպես գնացել են եկեղեցի, աղոթել, մոմ վառել, այնուհետև ճաշել հայկական ուտեստերով լի սեղանի շուրջ:

             Ճիշտ է մենք Դելիում չունենք գործող եկեղեցի, բայց ունենք հայկական մատուռ, որը վաղուց անուշադրությանն է մատնվել ու լուրջ խնամքի կարիք ունի: 

            Այդ իսկ պատճառով մեր հայրենակիցները այցելել են Կաթոլիկ եկեղեցի: Ամեն դեպքում եկեղեցին այն վայրն է, որտեղ մարդն իրեն հանգիստ է զգում և կարող է հաղորդակցվել Աստծո հետ:

           Եկեղեցի էին գալիս նաև հնդիկ քրիստոնյաներ, որոնց մեջ էր նաև մի կին, ով անցած տարի ևս Սուրբ Ծնունդին  հայկական եկեղեցի էր եկել: Նա տարիներ առաջ աշխատել է Լիբանանում՝ մի հայ ընտանիքում: Ասեմ, որ մեզ ողջույնեց հայերենով՝ ասելով "Բարև Ձեզ":

Ահա և նա

               Պատրաստել էի  բրնձով փլավ՝ չամիչով ու չրերով (չրերը Հայաստանից էին բերված), տապակած կանաչի, ձուկ, Իջևանի գինու գործարանի "Նռան գինի" ( Իջևանը ծննդավայրս է), չարազ ու գաթա... մի խոսքով հայկական սեղան:

             Ափսոս մեր հայերի մեծ մասը չկարողացան այս տարի մեզ միանալ:Անցած տարի մեզ հետ էին Բանգալորի և Պոնդիչերիի հայերը, որի մասին անդրադարձել էր Հնդկաստանում հայտնի պարբերականներից մեկը՝  "The Hindu" թերթը:

Սկեսրայրս

Մեր Արմենը հնչեցնում ե զանգերը

          Անցած տարվա Սուրբ Ծննդյան նկարներն կարող եք նայել և հոդվածներն կարող եք կարդալ  ներքևում արված հղումներով:

• The Hindu թերթի հոդվածը, 2015

http://www.thehindu.com/features/metroplus/society/chennais-armenians-celebrate-christmas-in-300yearold-church/article6764410.ece

• Indo-Armenian Friendship NGO (Հայ-Հնդկական Բարեկամություն ՀԿ )-ի հոդվածը,2015

http://india-armenia.blogspot.in/2015/01/armenian-community-celebrates-christmas.html

• News.am կայքի հոդվածը, 2015

http://style.news.am/arm/news/19225/hndkakan-hexinakavor-the-hindu-terty-hndkastanum-aprox-hayeri-ev-surb-tsnndi-masin.html

Indo-Armenian Friendship NGO (Հայ-Հնդկական Բարեկամություն ՀԿ )-ի հոդվածը,2016

http://india-armenia.blogspot.in/2016/01/iaf-celebrates-armenian-christmas-in.html